حتى 10 سنواتمدة الحماية (T380A)
أكثر من 99%نسبة الفعالية
بدون هرموناتلا يؤثر على التبويض
فورًارجوع الخصوبة بعد الإزالة
إزاي بيشتغل؟
النحاس بيتحرر ببطء داخل الرحم فيصبح الوسط غير مناسب للحيوانات المنوية، فيمنعها من الوصول للبويضة وتخصيبها. ومش بيأثر على هرمونات الجسم ولا على الدورة الطبيعية.
المميزات
- مناسب للسيدات اللي مش عايزة أو مينفعش تستخدم هرمونات
- حماية طويلة من غير ما تفتكري أي حاجة يوميًا أو شهريًا
- مناسب أثناء الرضاعة
- ممكن يُستخدم كوسيلة طوارئ لو تم تركيبه خلال 5 أيام من العلاقة
- بعد إزالته ترجع الخصوبة بسرعة
الأعراض الجانبية المتوقعة
- زيادة في غزارة الدورة وآلامها، خصوصًا في أول 3 إلى 6 شهور
- تنقيط أو نزول دم بسيط بين الدورات في الفترة الأولى
- تقلصات خفيفة بعد التركيب مباشرة
مين ممكن ما يناسبها؟
- وجود حمل أو شك فيه
- التهاب نشط في الحوض أو عدوى في عنق الرحم
- نزيف مهبلي غير مُفسَّر
- تشوهات بالرحم تمنع التركيب
- حساسية للنحاس أو مرض ويلسون
- الدورة الغزيرة جدًا أو الأنيميا: الأفضل مناقشتها مع الطبيبة قبل الاختيار
التركيب والمتابعة
- يُركَّب في العيادة خلال دقائق، ويفضل أثناء الدورة أو في أي وقت بشرط التأكد من عدم وجود حمل
- ممكن تحسي بتقلصات أثناء التركيب، وتقدر الطبيبة تنصح بمسكن قبله
- متابعة بعد أول دورة (أو 4 إلى 6 أسابيع) للتأكد إن اللولب في مكانه
- الخيوط بتتحسس من المهبل، لكن لا تسحبيها أبدًا
اتصلي بالطبيبة أو توجهي للطوارئ لو: ألم شديد في أسفل البطن، نزيف غزير جدًا، حرارة أو قشعريرة، إفرازات كريهة الرائحة، تأخر الدورة مع ألم، أو اختفاء الخيوط أو إحساسك بجزء صلب من اللولب.
متاح للحجز: الأحد مع د. نادية أو الأربعاء مع د. شيرين. الخدمة بالمجان في مستشفى وردان. للحجز: 01284721646 أو 01022902675 (كريمة العطار).